Ildo metodologikoa - Arrano Beltza Iturmendi - Ikasnova

Metodologia ikaskuntza-prozesua kudeatzeko hautatzen den bidea edo estrategia da, prozesu horretan parte hartzen duten elementu guztiak kontuan hartuz. 

Modu orokor batean esan genezake metodologia aktiboak erabiltzen ditugula gure egunerokoan. Hauek hezkuntza tradizionalaren alternatiba erakargarriak dira. Ikaslearen parte hartze aktiboa bultzatzen duten hezkuntza metodologiak dira, ikaslea informazioa jasotzen duen elementu hutsa delako ideia baztertu eta irakaslearekiko eta material didaktikoarekiko interakzioa bultzatzen dutenak, eta finean ikaslearen ikaskuntza esanguratsua eta autonomoa bultzatzen dutenak. 

Erronketan oinarritutako ikaskuntza, txokoak, proiektuak, jarduera gidatuak, tailerrak, ikas komunitatearekin lotutako jarduera arrakastatsuak eta abar erabiltzen ditugu haurren garapena bultzatzeko.

Hala ere, esan beharra dago alor honekin lotuta etengabeko ikaskuntzan eta eraldaketan gabiltzala, ikasleen beharretara egokituz.

Helburua ikasleen garapen integrala bultzatzea da, baloreetan oinarrituz eta kritiko heziz; eta batez ere, ikasle zoriontsuak heztea.